[uB♥wAreZ]

Бидний очих дуртай "Өргөө Синема"-д дэлхийг шуугиулаад байгаа хоёр ч кино нээлтээ хийхээр дуншиж байна. Тус хоёр киноны тухай олж мэдсэнээ уншигчидтай хуваалцах хэрэгтэй байх.

Avatar

Оскарын шагналт найруулагч Жэймс Камерон киноны санааг анх 15 жилийн өмнө гаргаж байжээ. Бүтэн 4 жил киноны уран бүтээлчид уйгагүй хөдөлмөрлөсөний эцэст технологийн хувьслын ачаар шинэ төрлийн киног та бүхэнд ийнхүү хүргэж байна.

Аватар биднийг төсөөллийн чанад дахь сэтгэл хөдөлгөсөн ертөнцөд аваачна. Энд домогт адал явдлыг туйлын баатар эхлүүлж, эх орноо хэмээн нэрлэж ирсэн харь гаригийн тэр ертөнцийг аврахын тулд тасралтгүй тулалдах ажээ. Киноны гол дүр Жэк Салли бол усан цэрэг байсан хэдий ч нэгэн удаагийн азгүй тохиолоор тахир дутуугийн тэргэнцэрт хадагдсан нэгэн байлаа. Хэдийгээр бие махбодь нь эрүүл биш боловч зүрх сэтгэлдээ тэр дайчин хэвээр ажээ. Пандора гариг дээр корпорациуд дэлхийн энергийн хямралыг шийдэх гол түлхүүр болсон маш ховор эрдэс бодисыг олборлодог бөгөөд Жэк-д гэрлийн жилийн хурдаар тус гариг хүрэх боломж олджээ. Пандора гаригийн агаар мандал хортой учир хүмүүс өөрсдийн оюун ухааныг үхлийн аюултай агаарт амьдарч, бие махбодыг нь алсын зайнаас удирдаж болдог аватар-тай холбож болдог Аватар программыг бүтээсэн байлаа.

Эдгээр аватаруудыг хүний ДНХ-г, Пандора гаригийн уугуул оршин суугчдын ДНХ-тэй генетикийн аргаар эрлийзжүүлэх замаар бий болгодог байв. Аватар төрхөнд хувилж дахин төрсөн Жэк алхаж чаддаг болжээ. Үнэт хүдрийг олборлоход гол саад тотгор болох болсон Нави-чуудын дунд нэвтрэн орох үүргийг түүнд оноосон байлаа. Гэвч үзэсгэлэнт Нави бүсгүй Нейтири Жэк-ийн амийг аварсанаар бүх зүйл өөрчлөгдөнө. Нейтиригийн омгийнхон түүнийг нутагтаа авчирсанаар Жэк олон олон адал явдал, шалгуурыг даван туулж, тэдний нэг болоход суралцах ажээ. Жэк, түүний шинэхэн багш Нейтиригийн харилцаа гүнзгийрэх тусам Жэк Нави-чуудыг хүндэтгэн үзэх болсноор улмаар тэдний дунд өөрийн гэсэн байр суурийг эзэлж чадна. Гэвч ингээд дуусах болоогүй байлаа. Удалгүй Жэк Нави-чуудыг толгойлон бүхий л ертөнцийн хувь заяаг шийдэх баатарлаг тулаанд орох болно.

Тэргэл сарны домог буюу Twilight

Беллагийн 18-н насны гамшигт төрсөн өдрийн дараа Эдвард Коллен болон түүний гэр бүл Белла-н аюулгүй байдлын төлөө хотыг орхих болно. Зүрх нь шархалсан Белла ахлах сургуулынхаа сүүлийн жилийг ганцаардмал, ухаанаа алдсан байдалтай өнгөрүүлж, Эдвард-н дүрийг харах болгонд өөрийгөө аюулд учируулж байлаа.



Багын найз Жэкоб Блэк-н тусламжтайгаар Белла хуучин мотоциклоо янзлан аялалд гарахаар шийднэ. Байгалын хуулиас гажууд ер бусын хүчтэй түүний найзтайгаа харилцах харьцаа нь Белла-н хөлдүү зүрхийг бага багаар гэсгээж эхэлнэ.

Гэвч ер бусын хүчтэй асар том чононууд Беллаг хуучны өшөөтөнгөөс аварсаны дараа түүний хувь заяа харамсалтай нь маш том аюул дунд байсаар байгааг ойлгох болно.