Багадсан хослол, томдсон малгай, халаас хоосон эрх чөлөөний дууч улаан хацартай BX-ийг нэг л даржин харагдуулдаг байсан санагдана. Анхны цомгоосоо ганц ч уран бүтээл өмчилж чадалгүй хаа газрын тогооч залууд хит дуугаа алдаж, хэлэх ярих, өмсөх зүүхээ хүртэл заалгаж явсан нь өдгөө уран бүтээлийн олз омог дүүрэн яваа BX-д зүүд зэрэглээ мэт санагддаг биз. “New star” студиэс өрх тусгаарласнаас хойш түүний өнгөтэй, өөдтэй яваа нь ёстой л нөгөө “хүний эрхэнд жаргахаар өөрийн эрхэнд зов” гэдэг үгийг сануулах мэт. Харин дуучин залуу маань ойрноос “ноён” Quiza-тай сүжрэх болсон нь бас л бусдын итгэл үнэмшлээр амьдраад байна уу даа гэх бодол төрүүлдэгийг нуух юун.“Модон дотор, эсвэл гудамжинд төгөлдөр хуур дээр суугаад, сарнаас ирсэн хайрын тухай дуулах утгагvй байна...ямар нэг уул,усны тухай...” энэ бол хоцрогдсон, нийгэмд дуулах асар олон сэдэв байна гэж ирээд л ярих нь яг Quiza шүү. Ямартай ч эрхэм ах бусадтай “diss” хийхээ больж нийгмээс урган гарсан проблемуудыг дуулж эхэлсэн нь залуу дуучинд нөлөөлсөн бололтой. “Sorrow” шиг фантазитай, хайрын тухай дуулах нэг л ач холбогдолгүй санагдах болсон аж
Бичлэг тандагч
