Жинхэнэ эр хүний чадал чансаа, бэл бэнчинг илтгэх үнэт шинжүүдийн нэг бол сайн хүлэг.Тэр тусмаа манай ард түмэнд бүгдийн дээр гарч, мундагийн дүрд тоглох хор шар бүхий эрмэлзэл бүр нэг илүүтэй байдаг нь нууц биш. Ямартай л Ш.Сайхансамбуу гишүүн үнэтэй “бенз”-ээ сваровскийгоор чимэглэж "айлгүйтэх" вэ дээ. Төмөр хүлгээ гоёж, гоодон чамирхдаг эрхэм гишүүн харамсалтай нь энэ салбарын өрсөлдөөнд толгой цохиж чаддагүйгээр барахгүй бүр ангийн андыхаа ард бичигддэг гэнэ шүү. Тэгвэл Монгол улсын газар нутаг дээр тоос хадуулан давхих хамгийн үнэтэй авто хүлгийн эзэн АПУ-ийн захирал асан, УИХ-ын дэд дарга Г.Батхүү гэнэ шүү. Түүний үнэт хүлэг “Maybach“ 300 мянган долларын өртөгтэй гэх. Мэдээж манай улсын толгой баячуудын нэг энэ эрхэмийн аван эдлэлд амаа ангайж, балмагдаад байх хүн гарахгүй биз. “Баян хүн лаагаа иднэ үү луувангаа иднэ үү" маньд ямар падтай биш дээ юмтай хүн эдлэх хэрэглэхээ хэнгуайгаар ч заалгах билээ. Гэхдээ л дэд дарга Автомашинд хийн түлш хийнэ хэмээн дөвчигнөөд байдаг, хэрэглээтэй нь том зөрчил үүcдэг байх даа.