Дорноговь аймгийн Эрдэнэ сумын нутаг дахь Улаан-Уулын хилийн цэргийн 0129 дvгээр анги, 0223 дугаар салбарын Тавантолгойн хилийн застав уй гашууд автжээ. Хоёр хоногийн өмнө энэ заставт эх орныхоо дархан хилийг манаж байсан гурван халуун амь мөр зэрэгцсэн албан хаагчдынхаа гарт зэрлэгээр хөнөөгдөв. Өчигдөр орой ахлах дэслэгч С.Бум-Эрдэнийн шарилыг ар гэрийнхэн нь Улаанбаатар хот руу авч явах vеэр тус хилийн заставын бvх хvмvvс гашуудлаа.
Таван толгойн заставт юу болсныг манай сурвалжлах хэсэг газар дээрээс нь мэдээлж байна. Хилийн харуулын төв заставаас есөн километр зайтай. Гэмт хэрэгтнvvд анх харуулын төвд харуулын дарга, гэрээт хилчин М.Энх-Амгалангийн амийг буудан хөнөөжээ. Цусны vнэрт улайрсан алуурчид есөн км-ийн зайтай Заставын төв руу явган гvйн очиж, заставын даргыг орлоод 20 хонож байсан ахлах дэслэгч, С.Бум-Эрдэнэ, гэрээт хилчин Э.Бямбасvрэн нарыг буудан хөнөөсөн байна.
Тvvгээр зогсохгvй дэслэгч Ц.Сод-Эрдэнийг шархдуулсан. Гэмт хэрэгтнvvд заставынхан vймэлдэх vеэр цахилгаан, холбоог нь тасалжээ. Дараа нь бvх цэргvvдийг гадаа жагсааж 200 гаруй цэрэгт буу тулгаж сvрдvvлсэн байна. Шөнийн хоёр цагийн vед заставт амьдардаг энгийн иргэд болон хилчдийн гэр бvлийнхэн заставын гадаа цуглахад иймэрхvv дvр зураг угтжээ. Гэмт хэрэгтнvvд гурван хvнийг хөнөөж, нэг хvнийг шархдуулчихаад юу ч болоогvй мэт амиа алдсан хvмvvсийг "амьд байгаа, заставын байранд хvлээж байгаа" гэж хэлсэн байна. Мөн "Бид шийдсэн хvмvvс, бидэнд ирээдvй байхгvй" гэж орилжээ.
Балмад этгээдvvд зугтахдаа заставын жолооч болон зургаан цэргийг барьцаалсан байна. Тэд заставын бvх буу зэвсэг, сум хэрэгслийг хамж авчээ. Машинтайгаа барьцаалагдсан жолооч гэмт хэрэгтнvvдэд боломж олгохгvйн тулд аль болох чулуу ихтэй, бартаат замаар 60 км явсны дараа дугуй нь хагарсан аж. Энэ vеэр тусгай албаныхан алуурчдыг барьсан байна. Ийнхvv алуурчдын гарт амиа алдсан хилчдийн 1-5 насны нялх vрс хайртай аавыгаа, хань ижил нь халамжит ханиа, аав ээж нь хонгор vрсээ алдаж өнчирлөө.
Талийгаач С.Бум-Эрдэнэ эхнэр Б-дээ “Гэмт хэрэг vйлдсэн цэргvvдийг зан харилцааны доголдолтой, маргаан зөрчил байнга гаргадаг хэцvv цэргvvд" гэж ярьж байжээ. Тэрээр заставын даргыг орлоод 20 хоног, талийгаач харуулын дарга М.Энх-Амгалан даргаар томилогдоод долоо хонож байсан байна.